Gaur egun, kirol apostuak zaletasun eta
aktibitate oso ohikoa bihurtu dira gure gizartean eta euren eragina oso handia
da dirua irabazteko era erraza eta merkea delako. Internetez gain, tabernetan
eta jatetxeetan apostu egiteko aukera dago, eta hau gutxi balitz ere,
publizitate kanpainek bezeroen tentazioa pizten dute. Horregatik, inkesta bat
sortu genuen kirol apostuak gazteen zintzotasunean eragina bazuen aztertzeko
eta galdera desberdinak planteatu genituen.
Hasteko, euren adina galdetu genien eta gure
sorpresarako, inkesta egin zuten %65-a 18 urte baino gutxiago zituzten, agerian
utziz kirol apostuen munduan sartzea oso erraza dela eta gaur egun nerabeak
lehenago hasten direla apostuak egiten. Ondoren sexua galdetu genuen eta %75-a
mutilak ziren, beraz, esan dezakegu mutilen presentzia askoz nabarmenagoa dela
neskekin konparatuta. Gure hirugarren galdera maiztasuna eta zergatia izan
ziren eta emaitzen arabera, nerabeek asteburuetan egiten dute apostu gehien,
euren ustez, dirua irabazteko eta lagunekin desafio antzera bat izateko.
Emaitza hauek kontuan izanda, argi dago asteburuetan apostu gehien egiten dela
ekitaldi eta partidu garrantzitsuenak egun hauetan ematen direlako eta presio
soziala eragina duela ere lagunekin desafio baten bezala hartzen dituztelako
apostuak. Inkestarekin jarraituz, zenbat diru apostatzen zuten galdetu genuen
eta inkesta egin zutenen %52,6a 0,5/1 euro bitartean apostatzen zituen, hau da,
zifra nahiko baxua. Apostuetan irabazitako maximoa eta minimoa ere galdetu
genuen eta bien batazbestekoa oso antzekoa izan zen, 20-25 euro inguru, zifra
nahiko altua 0,5/1 euroko apostuak eginda. Azkenik, apostu gehien egiten zen
kirola aztertu genuen ere eta futbola izan zen %63,2ko portzentajearekin, eta
hau gure ustez oso lotuta dago kirol honek duen publizitate masiboarekin, oso
ezaguna bihurtu delako aspalditik. Azkenik, eta datu garrantzitsuena bezala,
inkestatuen %79,2a ez zuen irabazi propiorik, edo beste era batera esanda,
jokoan jarritako dirua ez zen haiena.
Hau guztia kontuan hartuta, ez gara gai izan
zintzotasuna oso erlazionatuta dagoen jakiten baina datu interesgarri batzuk
jaso ditugu. Batetik, apostuen mundua oso maskulinizatuta dagoela ikusi ahal
da, eta futbolaren irabazien zergatienetariko bat agerian utzi dugu. Beste alde
batetik, gai izan gara ere ohartzeko mundu honetan diru gutxi izanda ere diru
asko irabazi ahal dela eta horregatik tentazio handiko aktibitatea da.
Bestetik, ikertu dugu ere nerabeek beraiena ez den dirua jokoan ipintzen dutela
eta deduzitu daiteke irabazi propioak izanda, apostu gutxiago egiten dela.
Azkenik, presio sozialaren eragina ere agertu da, inkestatuen arabera,
lagunekin desafio antzerako bat delako haientzat kirol apostuak eta haien
lagunak eragina dutelako euren erabakietan, eta apostu gehien egiten den
denbora asteburuetan da, esan dugun moduan, ekitaldi garrantzitsuenak
larunbatetan eta igandeetan gertatzen direlako
iruzkinik ez:
Argitaratu iruzkina