ESAIDAZU ZER IKUSTEN DOZUN ETA ZELAKOA ZAREN ESANGO DEUTSUT

ESAIADAZU ZER IKUSTEN DOZUN ETA ZELAKOA ZAREN ESANGO DEUTSUT

Baieztatuta! Reality-ak ikusten dabezan pertsonen ezagutza maila beste programa mota bat ikusten dabenaren baxuagoa da.

Gaur egun gure gizartean askotan entzuten da pertsona bakoitzak ikusten dauzan programen arabera nortasun bat dagokiola eta konozimendu maila baita horren araberakoa dala be. Hau da, jente gehienak pentsetan dau reality-ak ikusten dabezanak ez dirala gizartean gertatzen danari buruz kezkatzen edo ez jakiela interesatzen eta burubero moduko programak ikusten dabezanak, ordea, gehiago kezkatzen dirala. Baina hau egia ote da? Beraz, guk ikerketa honen bitartez telebista programa motek pertsona bakoitzaren nortasunean, bere jokatzeko eran eta euren ezagutza mailan daben eragina ikusi nahi izan dogu. Ikerketa hau gazte eta pertsona nagusiagoen artean egitea erabaki dugu, aztertzeko informazioa zabalagoa izateko. Inkesta ugari egin eta ikastolako ikasleen eta irakasleen laguntza izan ondoren, emaitzak atara doguz. Emaitza honeen bitartez esan daikegu badagozala nahiko kasu desberdin eta jenteak esaten dauanaz, kasu batzuetan egia dala probatzen da baina beste batzuetan ordea guztiz kontrakoa da. Beraz, gure hipotesia alde batetik egia dala esan daiteke baina beste batetik ez dala be esan daiteke, guzti hau pertsonaren araberakoa dalako, azkenik pertsona guztiak desberdinak garelako eta programek eragin desberdin daukielako gugan. Nahiz eta hurrengo taulako emaitzak ikusita, esan daikegu orokorrean, kasu bakoitzean zentratzen ez bagara, baieztatu daikegula zelan reality-ak eta horrelako programak ikusten dabezan pertsonen ezagutza maila nahiko baxuagoa dala beste emaitzekin alderatuz. Emaitza honek nahiko adierazgarriak dira, izan ere, hainbeste urtez adierazi dan: “Bai realityentan bai honek ikusten dabezan pertsonak ez dira inguruan gertatzen danaz arduratzen”, bete egiten dala orokorrean. Gainera programa mota honek (reality-ak) gazteen artean oso ospetsuak dira, nahiz eta aipatzekoa dan askok be notiziak eta horrelakoak ikusten dabezala.

Programa mota	Bataz bestekoa
Notiziak (Teleberria,LSN) eta lehiaketak	8,125
Telesaioak eta reality-ak	8
Telesaioak	8
Notiziak eta beste programa mota bat	8
Reality-ak (GH, MyHyV)	5,923

Hipotesia:

Gaur egun telebistan dauden programa asko, Gran hermano ,esate baterako, gazteen artean oso ezagunak direnak, ezjakinak egiten gaituen ustea dago. Pertsona askoren ustez, programa mota hauek ikusten dituzten pertsonak ez dira kezkatzen haien inguruan gertatzen diren gertakizun eta berriei buruz. Hau gertatzearen arrazoietako bat beste gauzetaz ez pentsatzea izan daiteke, modu honetan entretenitzen eta burua husten dutelako. Planteatu genuen beste arrazoi bat entretenimendu soila izan liteke, eta beste pertsonen bizitzari buruz informatuta egoteko.

Hainbat pertsona telebistan ikusten dabezan programen pertsonetatik influentziatuak dira, eta honek eragina izan daike pertsonaren jakintasunean eta ezjakintasunean, gaur egun telebistako programa pilo baten ezjakintasun nabarmen handia ikusi daitekeelako, esate baterako hitz egiteko arau edo moduetan,eta bilatzen dan bakarra hori bakarrik dala ematen dau. Badirudi zenbat eta ezjakinagoa izan eta atentzioa gehiago deitu orduane ta aukera gehiago daukazuzala reality-etan parte hartzeko, horren irabazle izateko eta “famatu” egiteko.

Prozesua:

Prozesuarekin hasteko, lehenengo inkesta bat egin genuen 1. 2. 3. eta 4. DBH-ko eta Batxiler osoko ikasleen artean. Horretaz gain, irakasle batzuei bere parte hartzea ere eskatu genien, ikusten dituzten programek haiengan eragina duten jakiteko. Hasierako inkesta honetan bakoitzak ikusten dituen programak eta eskaintzen dieten denborari buruz galdetu genuen. Inkesta osatzeko kultura galdera gitxi batzuk be sartu genduzan. Lehenengo inkesta honen emaitzetan oinarrituz kurtso bakoitzeko lau ikasle hautatu genituen bigarren inkesta betetzeko. Kurtso bakoitzeko ikasleak hartzean kontuan hartu genuen ikusten zituzten programa motak desberdinak izatea, honela, eduki kulturalik gabeko programak ikusten zituzten 2 pertsona eta mota honetako programak ikusten zituzten beste biak hautatu genituen. Bigarren inkesta hau guk aukeratutako kurtso bakotxeko lau pertsonari egin geuntsen. Gure ikerketan pausu bat aurrera emoteko, kulturari buruzko galderak jarri genduzan. Kurtso bakotxetik reality-ak ikusten ebezan bi pertsona eta hauek ez ebezan ikusten beste bi pertsona aukeratzean, gure hipotesiaren konprobaketara zuzenean bideratu euskun. Inkestei esker grafikoak atara genduzan portzentaiak ikusiz gure emaitzak eta ondoriok ataratzeko.

Emaitzak:

Bi inkestak egin eta gero hurrengo emaitzak atera genduzan.

●       1go inkestako emaitzak:

●       2. inkestako emaitzak:

Ondorioak:

Ikerketa honen emaitzak lortzean batez besteko bat egin genuen, bi programa mota desberdinak ikusten zituzten ikasleen artean eta honako hau ikusi genuen:

	Zein programa ikusten dau?	Kalifikazioa
1	Gran Hermano	8
2	Dokumentalak	10
3	Buru bero+Teleberri	7,5
4	Gran Hermano	4
5	Gran Hermano	5
6	Castle + Hawaii 5.0	5
7	MyHyV	4
8	Gran Hermano	6
9	Teleberri + Conquis	6
10	Gran Hermano	7
11	Gran Hermano	6
12	Castle, La sexta noche	10
13	Los simpson, Hawaii	10
14	Gran Hermano	8
15	Pasapalabra	8
16	Gran Hermano	6,5
17	MyHyV	5
18	Teleberri	7
19	Gran Hermano	3

20	MyHyV	3
21	Conquis, Hawaii	8
22	MyHyV	8,5
23	Pequeñas mentirosas	9
24	Gran Hermano	3

Hau guztia ikusita esan dezakegu, argi ikus daitekela gure inguruan gertatzen diren gauzengan erakusten duten interesa bi taldeetan nabarmen aldatzen dela. Interes hau daukatenek, haien denbora erabiltzen baitute gauza hauetaz informatzeko.. Realityen ikusleek, aldiz, gutxiago kezkatzen dira, hala ere, esan beharra dago hau ez dela beteko kasu guztietan, izan ere, pertsona bakoitzaren nortasunak eragin handia du honetan eta telebista ez diren beste baliabideak erabili ditzakete berriak entzuteko. 2. inkestako galdera kulturalei dagokienez, bi taldeek ondo erantzun dituzte galdera gehienak, eduki kulturaleko ikusleek puntu bat gehiago lortu duten arren. Bukatzeko, azpimarratu nahiko genuke ikusten dituzun programak neurri batean eragina izan dezaketela zure nortasunean, adibidez, munduan gertatzen ari den gatazka batetaz informatu beharrean, askok nahiago izango dutelako jakitea nor kaleratuko duten Gran Hermano-tik. Guk aztertu doguzan ondorioetan desberdindu beharra dago guk egindako bigarren inkestan “kultura generaleko” galderak zirala, honegaz esan nahi dogu badagozala kasuak non Gran Hermano ikusten dabe eta euren kalifikazioak txarrak dira, baina gero ikastolako kalifikazioekaz alderatuz gero euren kalifikazioak altuagoak dirala.